Pidato Basa Jawa - Jejaring Sosial

Tema : Jejaring Sosial

Assalamu’alaikum wr. wb

Ibu guru ingkang kinurmatan

Saha kanca-kanca ingkang kula tresnani

Mangga kita aturaken puji syukur katur gusti ALLAH S.W.T ingkang maringi rahmat kaliyan hidayahipun maring kita sedaya, saengga kita saged kempal ing dinten punika.

Kula aturaken matur nuwun minangka kapercayan kaliyan kesempatan ingkang dipunparingaken dhumateng kula kagem maos pidato kanthi irah-irahan “ Jejaring Sosial”

Rencang-rencang

Asring kita mirengaken tembung “Jejaring Sosial” ing pagesangan sedinten-dinten. Jejaring sosial kathah dipunagem marang sedaya tiyang kalebet kita minangka pelajar. Jejaring sosial inggih punika salah satunggaling web berbasis pelayanan ingkang saged ndadosaken tiyang  ndamel profil, ngajak utawi nampi rencang kagem nggabung ing situs kasebut.

Warni-warni jejaring sosial inggih punika facebook, twitter, instagram lan sapanunggalanipun. Asringipun kita ngangge jejaring sosial, mestinipun wonten unggah ungguh sae lan unggah ungguh awon.

Unggah ungguh sae utawi dampak positif saking pangagem jejaring sosial tumrap pelajar inggih punika:

1. Ningkataken  sesrawungan supados langkung sae
2. Nambahi rencang supados langkung kathah
3. Nambahi pengetahuan tumrap pelajar

Unggah ungguh awon utawi dampak negatif saking pangagem jejaring sosial tumrap pelajar inggih punika:

1. Saged ngirangi prestasi pelajar
2. Mirsani babagan internet ingkang mboten prayogi dipunpirsani
3. Mboten sae kagem kasarasan amargi dangu ing ngajeng komputer utawi laptop namung kagem dolanan jejaring sosial

4. Pelajar kesupen dumateng wektu

Rencang-rencang ingkang kula tresnani,

Dados kesimpulanipun, kita minangka pelajar saged mbedakaken unggah ungguh sae kaliyan awon ingkang saged maringi faedah kagem piyambakipun.

Wasana cekap semanten atur kula, mugi-mugi punapa ingkang kula aturaken saged bermanfaat dumateng kita sedaya. Menawi wonten kalepatan, kula nyuwun pangapunten. Matur suwun.

Wassalamuallaikum Wr. Wb.